نكات واشمن نكات مغربية مضحكة دخلو تفوجو

من طرف **profost** الأحد مارس 06, 2011 11:09 am

بشحال القرد؟

هادا واحد مشى للسوق بغى يبيع قنية، وهو يجي عندو واحد خينا مبوق وقال: بشحال القرد؟
قال ليه مول القنية: أسبحان الله، راه قنية هادي
قال ليه المبوق: ما هدرتش معاك، هدرت مع القنية
الزواج المبكر

هادا واحد مبوق سولوه: أشنو رأيك ف الزواج المبكر؟
قال ليهم المبوق: زعما أشمن ساعة بالضبط؟
سولوا نتوما

هادا واحد مبوق بزاف. مشى عند البوليس وقال ليهم: الله ياودي! إيلا ما سولت أنا ما تسولوا نتوما؟
رحلة لمراكش

هادا واحد حارق لسبانيا. ملي كان كيعوم لقى راسو ف وسط واحد السباق ف العومان، ناض سبقهم وربح. ملي مشى يشد الجائزة لقاها رحلة لمراكش
يا ملاكي
واحد الولد سول ماماه: ماما، أشنو كيعني ملاك؟
قالت ليه ماماه: الملاك مخلوق من نور وكيطير.
قال ليها الولد: وعلاش قال بابا للسكريتيرة ديالو يا ملاكي؟
قالت ليه ماماه: ما ديرش ف بالك، من غدا غادي تطير
مبارك الحولي
واحد الراجل سميتو مبارك، شرى حولي ودخل بيه الدرب
شافتو جارتو من الشرجم، وقالت ليه: مبارك الحولي
قال ليها: خدوج النعجة
والسيكان؟
هادي واحد المرا بغات تركب طاكسي وهي تسول مولاه: بشحال أولدي كتدي لحي المقاومة؟
قال ليها: 15 درهم
قالت ليه: والسيكان؟
قال ليها: السيكان فابور
قالت ليه: إيوا هاك أولدي دي ليا هاد السيكان هاني غادي نلحق بيك على رجلي
كتكوت مفترس
هادا واحد عندو واحد الكتكوت مفترس. كيديرو مع الدجاج كياكل ليه الدجاج. دارو مع الحوالا خرج ليه على الحوالا. دارو مع البقر، لقاه فرتك ليه البقر. الراجل طلع ليه الدم وهي يدي داك الكتكوت رماه ف الصحرا
مللي دازو 3 ايام، الراجل بقى فيه الكتكوت قال يمشي يطل عليه. مللي وصل للصحرا لقاه مرمي ف الرملة والنسور كيحومو عليه. جرا عندو الراجل وقال ليه: مييييمتي الكتكوت ديالي مات
قال ليه الكتكوت : الله يعطيك الويل خرجتي ليا على البلان
دمدومة مطور
هادا واحد المعلم قال للتلاميد دياولو: سولوني أي سؤال وإيلا ما عرفتش نجاوب عليه نعطيكم 100 درهم، وإيلا سولتكوم أنا سؤال وما عرفتوش تجاوبوا عليه عطيوني 50 درهم
الدراري تخلعوا حتى من المجتهدين. شوية ناض الدمدومة ديال القسم رفع صبعو وفرع للمعلم راسو حتى خلاه يهدر، قال ليه المعلم: زيد كاع أشناهو السؤال ديالك؟
قال ليه الكسول: أشناهي الحشرة اللي عندها 9999 رجل؟
المعلم عيا ما يفكر ما عرفش الجواب. وهو يعطي للكسول 100 درهم كيفما اتافقو
ناض المعلم سول الكسول: يالله قول لينا نتا أشناهي هاد الحشرة اللي عندها 9999 رجل؟
قال ليه الكسول: والله أودي ما عرفت، وهو يعطي للمعلم هاديك 100 درهم وقال ليه: هاك هادي، خود 50 درهم ورد علي 50 درهم ديالي
عند الحلاق
هادا واحد عندو تلاتة د الشعرات ف راسو. مشى عند الحلاق وقال ليه: دير ليا فرقة من الجنب
الحلاق جا يدير ليه الفرقة من الجنب تقطعات ليه واحد الشعرة
قال ليه الراجل: واخا دي ليا الفرقة ف النص
الحلاق جا يدير ليه الفرقة ف النص تقطعات ليه شعرة أخرى
قال ليه الراجل: عرفتي أشنو تدير؟ دير ليا تشويكة
شفار بغى يتوب

واحد الشفار بغى يتوب وهو يسرق جوج سيديات ديال القرآن.

نتسنى حتى تسالي

واحد المرا دات ولدها عند الفقيه وقالت ليه: سي الفقيه، الله يرحم الواليدين إيلا ما علم ليا ولدي، راه الجامع ديال الدوار ديالنا بقى بلا فقيه. يالله هاني غادي نتسنى فيك قدام الباب حتى تسالي
القرزاز مول الموطور
هادا واحد القرزاز سايق الموطور ديالو و هاز خنشة ديال الطحين. شوية تلفت موراه و هو يموت. بان ليه الخط البيض ديال الشانطي و هو يسحاب ليه واش الدقيق ديالو اللي كيتكفح ليه
الكوكب المراكشي
هادا واحد الاستاد سول التلاميد دياولو :ما هو أقرب كوكب إلى الأرض؟
حتى واحد ما عرف يجاوب. شوية و هو يهز واحد الكسول إيديه: "استاد، استاد، استاد
قال ليه جاوب
جاوب الكسول: الكوكب المراكشي
ممحاة ديال ستاشرمية
هادا واحد المعلم تعين ف واحد لقرية ف لعروبية. واحد النهار دّا الكاشير للقسم و سول التلاميد: ما هذا؟
حتى واحد ما قشع أشنو داكشي. شوية و هو يهز واحد التلميد صبعو: هاديك ممحاة ديال ستاشرمية
ضفدعتعشر
واحد المعلم رسم للتلاميد ضفدعة و حداها 1 ف السبورة و قال ليهم يقراو ليه أشنو داكشي. شي قال (واحد ضفدعة). شي قال (ضفدعة واحدة) .ما خلاو ما قالوا حتى عياو و هو ينوض واحد الكسول و قال ليه: هاديك
ضفدعتعشر
نكتة الصفر
هادا واحد الأستاد نوض واحد الكسول للسبورة، و كتب ليه صفر و سولو: أشنو هادا؟
جاوبو الكسول: صفر
زاد ليه الأستاد تلاتة ديال الأصفار, و عاود سولو: و دابا؟
جاوبو الكسول: صفرالاف و صفرمية و صفرة و صفرين
قرزازين بغاو يتصدقوا
هادو تلاتة زقرامين قرروا يتبرعوا بشوية من فلوسهم حيت كترات عليهم الهدرة
قال ليهم اللول: غادي نرسم واحد الدائرة و نلوح الفلوس من الفوق. الفلوس اللي طاحوا ف الداخل ديال الدائرة ديالي. و الفلوس اللي يطيحوا ف برا الدائرة غادي نتصدق بيهم
قال ليهم التاني: أنا غادي نرسم واحد الخط و نلوح الفلوس من الفوق. الفلوس اللي طاحوا على ليمن ديال الخط ديالي، و اللي طاحوا على ليسر ديال الخط نتصدق بيهم
ناض التالت قال ليهم: أنا غادي نلوح الفلوس من الفوق. اللي طاحوا ديالي و اللي بقى ف السما نتصدق بيه
الكتبة ف الحيط
هادا واحد مبوق قال لصاحبو: واش باينة ليك هاديك الكتبة اللي كاينة ف الحيط
قال ليه صاحبو مبوق كتر منه: الكتبة بانت ليا، إما الحيط ما شفتوش
المبوق و الخفاش
هادا واحد مبوق شد واحد الخفاش و بدا كيضحك. سولوه علاش كيضحك, قال ليهم :هادي أول مرة نشوف فار لابس عباية
عمر و البوليس
هادا واحد شدوه البوليس, و سولوه أشنو سميتو، جاوبهم بشويييية :عمر
قال ليه واحد لبوليسي: وا غوّت
و هو يقول ليهم: وااااااااااااااااااااع.