نكت مغربية - نكت عامة

من طرف Peace-maker الثلاثاء يونيو 21, 2011 6:50 pm

...................

هادا واحد ماعمرو ما مشاى للرباط...
نهار مشى ليها، لقا ف الدخلة ديالها بلاكة مكتوب عليها " الرباط سلا"...
هو يقول لصاحبو: هاد الرباط ما لقي ايمتا يسالي حتا جينا ليه حنا
..........................

هادا واحد المكلخ حلم براسو تجمعو عليه رباعة ديال الدراري بغاو يسلخوه
الغد ليه، جمع صحابو كاملين وجابهوم ينعسوا معاه ف الدار

.............................

هادي واحد الناموسة أول يوم تطير
ملي رجعات للدار، سولاها باها: أشنو كان الشعور ديالك؟
قالت ليه: والله إيلا شعور زوين، كلشي الناس كانت كتصفق ليا

..............................

واحد سخي بزاف تحرقات ليه دارو
ملي جاو البومبية قال ليهم والله يما تحطو ايديكم فشي حاجة قبل ما تشربو القهوة
........................
هادا واحد كيجري مورا التران، يطيح وينوض، يطيح وينوض
الناس كاملين اللي راكبين ف التران كيموتوا عليه بالضحك
ناض واحد طل عليه من الشرجم وقال ليه: وبركة أصاحبي، راه قتلتينا بالضحك
قال ليه هاداك الراجل: إيوا دابا تموتوا بالخلعة راه أنا الشيفور
........................
هادا واحد الولد جالس ف بلاكة الطوبيس كيكمي وحداه مرا شارفة
المرا عيات مسكينة من الدخان وقالت ليه: شوف أولدي، واش ف راسك نتا اللي كتكمي كتدي عشرين بالمية من النيكوتين وأنا اللي كنشم الدخان كندي تمانين بالمية؟
الولد بقى يشوف فيها، شوية وهو يمد ليها ڭارو وقال ليها: الحاجة، خودي نتي عشرين بالمية وعطيني أنا تمانين بالمية

...........................
واحد تالف سول واحد خينا : خويا عافاك أشنو أسرع طريق توصلني لصبيطار؟
قال ليه : غمض عينيك وقطع الشانطي
......................
واحد الولد سول باه: بابا أشنا هو الموديم؟
قال ليه باه: ما عرفتش أولدي.
قال ليه الولد: أشنا هي الانترنت؟
قال ليه باه: ما عرفتش أولدي.
قال ليه الولد: أشنا هي العولمة؟
قال ليه باه: ما عرفتش أولدي.
قالت ليه أمه: خلي عليك باك بركة من التبرزيط
قال ليها راجلها: لا، خلي الولد يستافد

من طرف المبدع روجر الجمعة يوليو 08, 2011 10:31 pm

ههههههههههههههههه شكراااااااااااااااااااا

من طرف المبدع روجر الجمعة أغسطس 12, 2011 10:57 am

شكرا لك على النكت المميزة

نكت مغربية - نكت عامة

نكت مغربية - نكت عامة

رد: نكت مغربية - نكت عامة

رد: نكت مغربية - نكت عامة