نكت مغربية عن المكلخيين 1

من طرف Peace-maker السبت سبتمبر 08, 2012 2:08 pm

السلام عليكم ورحمة الله تعالى وبركاته

صفحة الوفيات

واحد مكلخ كيقرى صفحة الوفيات ف الجورنال

وكيقول: يا ربي ما نلقاش سميتي هنا، يا ربي ما نلقاش سميتي هنا

كماي

هادا واحد ديما كيمشي القهوة و كيكمي جوج gاروات
واحد النهار الgارسون قال مع راسو والله حتى نمشي نسولو على هاد القضية

مشا عندو قاليه : علاش اخويا دييما كتكمي جوج gاروات
قال ليه صاحبنا: انا وخويا كنا ديما مكانكميو حتى كانكونو بجوج

ساعة دابا خويا تشد فالحبس و حنا نتافقو باش نبقى نكميلو الgارو ديالو على ما يخرج

واحد النهار هاداك الgارسون بان ليه الكماي كيمكي غير gارو واحد
وهو يسولو: وهي خوك خرج من الحبس

قال ليه الكماي: لا، راه غير أنا اللي ما بقيتش كنكمي

مكلخ كايتفلسف

واحد المكلخ بدا يتفلسلف، وقال لصاحبو
لا تعطيني بيضة، ولكن علمني كيف أبيض

مكلخ بغا ينتاحر

هادا واحد لمكلخ قرر ينتحر، وهو يطلع فوق باطيمة
مللي شاف التحت بانت ليه جوقة ديال الناس تحت لباطيمة
وهو يقول معا راسو نزل بعدا نشوف أشنو واقع لتحت عاد نكمل

جوج ليمونات

واحد المكلخ هاز ميكا فيها جوج ليمونات
سول صاحبو مكلخ كتر منو: إيلا عرفتي شحال من ليمونة عندي ف هاد الميكا، نعطيهم ليك بجوج
صاحبو بدا يفكر يفكر يفكر، وقال ليه: ربعة؟

مكلخ تودرات عليه مرتو

هادا واحد خينا مكلخ كان غادي ف السوق مع مرتو
شوية تودرات عليه مرتو وبدى كيقلب عليها
مشى كيدور ف السوق وكيسول الناس: ما بانتش ليكم واحد المرا أنا ما غاديش معاها؟

طير ميت

هادا جوج كانوا غادين ف الطريق
واحد قال لصاحبو: شوف شوف، طير ميت
ناض لاخور هز راسو للسما وقال ليه: فين؟ فين؟

مكلخ ف تران

واحد مكلخ قال لصاحبو: البارح ما نعستش مزيان ف التران
قال ليه صاحبو: وعلاش؟
قال ليه المكلخ: لحقاش كنت ناعس ف البلاصة الفوقانية
قال ليه صاحبو: وعلاش ما تبادلتيش مع مول البلاصة التحتانية؟
قال ليه المكلخ: حيت كانت خاوية وماكانش فيها حتى واحد باش نتبادل معاه

لمكلخة ولمراية

واحد المكلخة كانت غادية ف الزنقة وهي توقف حدا واحد المراية.
بقات تشوف فراسها وكتقول: فايت ليا شفت هاد الكمارة... أنا متأكدة كنعرف هاد البنت
شوية وهي تعيق: اااااااااااااه هادي هي ديك خيتي اللي كانت كتحنزز فيا عند الكوافورة

حالة فشكل

واحد مكلخ مشى عند طبيب نفساني وقال ليه : دكتور، كتجيني واحد الحالة فشكل
كنهدر مع الناس وما كنشوفهومش
قال ليه الطبيب: وإيمتا كتجيك هاد الحالة ؟
قال ليه المكلخ : ملي كنهدر ف التلفون

من طرف **aimr1** الأحد سبتمبر 09, 2012 4:35 pm

هههههههههههه شكرا لك

من طرف Professor السبت مايو 18, 2013 2:16 pm

نكت مغربية عن المكلخيين 1

نكت مغربية عن المكلخيين 1

رد: نكت مغربية عن المكلخيين 1

رد: نكت مغربية عن المكلخيين 1