نكت مغربية جديدة و جميلة

من طرف Professor الخميس سبتمبر 24, 2009 11:11 pm

1ـ هدا واحد الغبي خدا الدكتوراة في علم الحيوان ولكن الأساتذة دياولو متيقوش و هما يقولو ليه دير لينا شي تجربة ... الغبي جاب واحد القطة منين كيصفق عليها كتجي عندو أو هو يقطعليها الرجل الأولى منين صفق عليها جات هو يقطعليها الرجل الثانية منين صفق عليها جات هو يقطعليها الرجل الثالثة منين صفق عليها جات هو يقطعليها الرجل الرابعة منين صفق عليها ما جاتش أو هو يقول ليهم نستنتج أنه عندما نقطع للقطة أرجلها الأربعة تفقد حاسة السمع

--------------------------------------------------------------------------------

2ـ معلم طلب انتقال وهما يصفطوه لبير جديد... من بعد 5 سنين صيفطوه لبير انزران.. من بعد صيفطوه لبير ....واحد النهار طلع ليه الدم كتب للوزير و قال ليه واش انا معلم او لا سطل

--------------------------------------------------------------------------------

3ـ واحد سكران وفي جيبو فار حتى هو سكران... جاي كيغوت في الدرب.. واحد لمراة طلات عليه و قالت ليه هانعيط على لحناش... الفار خرج و هو يقول لها عيطي حتى على لمشاش

--------------------------------------------------------------------------------

4ـ هدا واحد الراجل مخاصم مع الزوجة ديالو. كتب ليها: غدا فيقيني مع 6 ديال الصباح...ولكن ما فاق حتى ل12 ...وهو يلقاها كاتبة ليه : فيق راه 6 صباحا.

--------------------------------------------------------------------------------

5ـ هدي واحد المراة كتشك في راجلها، واحد اليوم لقات شعرة شهبة ،قالت ليه : شكون هاد الشهبة اللي كنتي معاها، واحد النهار لقات شعرة كحلة و حرشة ،قالت ليه: شكون هاد العزية اللي كنتي معاها،واحد النهار ما لقات حتى شعرة ،قالت ليه : شكون هاد القرعة اللي كنتي معاها....

--------------------------------------------------------------------------------