آخر إصدارات النكت المغربية-"ضحك حتى الموت"

من طرف Peace-maker الثلاثاء أكتوبر 05, 2010 9:21 pm

السلام عليكم ورحمة الله

النكت المغربية جاتكم خليونا نشوفوا سنانكم

قالك هادا واحد خينا جالس جنب الطريق و جايب صنارة و داير راسو كيصيد و واحد خينا اخر دايز بان ليه داك المنظر ماشي هو هاداك بقا غادي جاي من حداه نسولو مانسولوش والله حتى نسولو و هو يقولية للله العزاوي ماقوليا شنو كتصيد فالشانطي تلفت عندو صاحبنا قاليه بيتي تعرف اش كنصيد لاخر جاوبو اه اخويا انا مزاوك فيك درني راسي بيت نعرف اشكتصيد و هو يقوليه لاخر يللاه حط 50 درهم و نقوليك و هو يعطيها ليه بالزربة و هو يقوليه : كنصيد الكوانب بحالك
قليك هادا واحد المعلم رسم لالتلاميد ديالو جرانة و قال لواحد فيهم سميتو رشيد ما هدا قاليه التلميد بطة و هو ينزل ليه المعلم على راسو و قاليه لواه موك هادي و هو يسول واحد الكسول حداه حتى هو بيموت بالخلعة ما بقى ليه والو و يبكي و هو يقوليه مت رشيد
قالك تاني هادا واحد خينا متايحملش يعاود الهدرة مشا عند مول الحانوت و هو يسولو قاليه :العزاوي عندك الحليب قاليه : لا ماعنديش و هو يمشي للحانوت الاخر فالدريبة الاخرى و هو يقول لمول الحانوت: و انت ؟
قالك هدا واحد المحشش غادي وقفات عليه الفارغو زعما لبوليس.
قالوا ليه طلع.
قاليهم لمحشش لا شكران راني ساكن غير هنا.
هادي واحد الام عندها 3 دراري سولاتها صاحبتها اش غادي يخرج ولادك في مستقبل قالت ليها غادي يخرجو دكاترة قالت ليها باش عرفتيها قالت ليها حيت تاواحد متيعرف يقرا خطووووو
هدا الفيل مزوج بنملة وبغا يطلقها....
وهي تقول النملة والدري لي فكرشي.؟؟؟؟؟
هذا واحد الفضولي دائما يتدخل فيما لا يعنيه، واحد النهار لقى الناس مجمعين على حادثة سير، وهو يقول ليهم خلوني ندخل أنا أخ الضحية، ملي دخل، لقى حمار ميت
هدا واحد سكايري دروجوع شاف سراق الزيت هو يتبعوعلاش ؟؟؟؟
يحسبو تمرة
واحد لغليض مبلي بالشراب فين ما تيجي في الليل فيه قاعدة تيشعل كٌاروتيمشي للبالكون تيكمي تيلوحو وتيرجع للفراش تيتغطى وتينعس واحد الليلة جاء مفوت شعل الكاروحطو على المخدة غطاه ومشى فتح البالكون وتلاح...
استاد بغا يدير فرض لدراري على غفلة..قال ليهم عندكم غدا فرض على غفلة
واحد قال لمو بغيت نتزوج بوحدة بيضاء وطويلة وخدامة.. قالت خد لك حسن ثلاجة
قال لك هذه امرة ميريكانية..و فرنسية و مغربية..سولوهم على الحاجة اللي شرطوا على الراجل و حققها..
-الميريكانية قالت: أنا النهار الأول قلت له ماكنعرف نطيب..التهار الثاني ماشفت والو..النهار الثالث جاب طباخة..
-الفرنسية قالت: أنا النهار الأوول قلت له ما كنعرف نصبن..النهار الثاني ماشفت والو..النهار الثالث جاب مكينة د الصابون..
-المغربية قالت: أنا النهار الأول قلت ما كتعرف نطيب و لا نصبن..النهار الثاني ما شفت والو..النهار الثالث..وليت كنشوف شويا بالعين اليمنية...
هدا واحد الراجل مخاصم (لا يتكلم) مع الزوجة ديالو. كتب ليها: غدا فيقيني مع 6 صباحا...لكن ما فاق حتى 12 ...وهو يلقاها كتبا ليه : فيق راه 6 صباحا.
هذا واحد السقرام ساكن في المحلبة، ولدو بات بلا عشاء ، قال ليه أبا فيا الجوع ، باه هز الريدو وقال ليه: شوف الحوانت كلهم سادين
محشش نزل الانتخابات, كتب تحت صورتو:
( و عسى أن تكرهوا شيئا و هو خير ‏لكم)
كان واحد جوج جالسين فالحوانت ديالهم تيهضرو وهي دوز قدامهم واحد المرأة كحلة وطويلة وتلبس حداءا دو كعب طويل
فقال أحدهم للآخر : والليل اطويل
فقال الثاني :وزادوا فيه ساعة
هادو جوج بغاو يشفرو واحد الدار
اطلع الاول اهي تشدوا مولات الدار اعطاتو بونيا لفمو
انزل عند صاحبو اهو شاد فمو قال ليه صاحبو مالك
هو يقول ليه اطلع انت راه جاتني الضحكة
هاذو واحد 2 دولات عندهم المجاعة مساكن وا حد النهار نظمو تورنوة على حوتة..
كلشي حضر .. كاين اللي جا غير باش يشوف الحوتة كيديرة ..
اللاعابة كيتقاتلو من نيتهم ..
دايزة واحد المشة شمات الحوتة ..
يالاه حلت فمها غادي تقرم على الحوتة
و 25698440000 نسمة قالت و تصبببببببب
و هي تصماك المشة ...
قاليك هادا واحد العروبي قالو ليه سير للدار البيضا راه كيتلقاو فيها لفلوس طايحين فالارض
هاد العروبي مسكين تيق
المهم سافر و ملي وصل لكازا يلاه هوهابط من لكار لقى 20 درهم
و هو يركلها وقال بدينا من دابا!
هدا واحد الدري سوال باه اشنو الفرق ما بين القضاء ؤ المصيبة ؟ قليه القضاء بحال الى طاحت موك في البحروالمصيبة الى طلعت كتعرف تعوم

أرجو أن تكون قد نالت اعجابكم

من طرف المبدع الأحد أكتوبر 10, 2010 8:38 pm

شكرا بك لك على النكت الرائعة
بالتوفيق

آخر إصدارات النكت المغربية-"ضحك حتى الموت"

آخر إصدارات النكت المغربية-"ضحك حتى الموت"

رد: آخر إصدارات النكت المغربية-"ضحك حتى الموت"