اكبر مكتبة نكاات مغربية

من طرف المبدع روجر الخميس فبراير 24, 2011 1:56 pm

واحد مسخوط الوالدين كيسب امو .بدات كتدعي عليه واسير المسخوط الله يعطيك شي كـيـة باش تغبر عليا. جاوبها المسخوط .انابغيتها تكون مازوط .حيت ليصانص غالي الواليدة

واحد عيط لمراتو وقال ليها: وجدي ليا الما السخون
قال ليه صاحبو: وايني راجل أصاحبي
قال ليه الراجل: إيوا شنو بغيتي؟ نغسل الماعن بما بارد؟،

وحد المعلم سال واحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر

احد محشش غادي مع صاحبو هو يبان ليه واحد غادي قدامهم سروالو مثقوب هو يقول
لصاحبو : هذا والله حتى أستاذ ديال اللغة العربية.. قال ليه صاحبو باش
عرفتيها؟ قال ليه : من الفتحة الظاهرة على آخره

احد زقرام بـــــــــزاف مشا شرا 3 ديال التفاحات و رجع للدار مع الليل
و جبد ياكل
جبد الاولى لقاها خامجة و رماها
جبد التانية لقاها حتا هي خامجة و رماها
طفا الضو و هو يجبد الثالتة و كلاها

جوج مشاو للمحطة د التران ولقاوه بدا كيتحرك. واحد لحقو نقز فيه وركب، ولاخور ميت بالضحك ما ركبش. مللي سولوه مالك؟ قال ليهم: هاداك المكلخ راه غير جا يوصلني

واحد حصلو الباطرون ديالو مقصر مع السكرتيرة قال ليه: آآآآ مولاي! أنا راه مكنخلصكش باش دّير هادشي!!!
الخدام قال ليه: لا هادشي كنديرو فابور

واحد واقف قدام الكعبة كايقول يااربي سمح ليا مابقيتش غادي نقول النكات على المكلخين ياربي سمح ليا

هوا يجي واحد هوا يقول ليه خويا لقبلة منين

لاخور هز راسو للسما قال يااربي هانتا شاهد هوما لي كايجبدوني

واحد لبوليسي شد واحد المرأة كانت غادة بسرعة او ملي عطاتو لوراق، قال ليها انتي المعلمة حليمة و الله ما عرفتك فاللول راني قريت عندك، السيدة فرحات و قالت ليه إوا دابا غادي تهلا فالمعلمة ديالك او مغديرش لي بروصي، قال لها الله يا ودي، يا الله جبدي ورقة و ستيلو او كتبي 300 مرة: عليّ أن لا أتجاوز الحد القانوني للسرعة

واحد الدري مودة هادي ماشاف واحد صاحبو قال والله حتا نمشي نسول عليه
مشا لدار دياهم دق دق خرجات مو سولها قالت ليه اولدي من داك النهار سخرناه يجيب اللحم مارجاعش
قال ليها و شنو درتو؟؟
.....
.....
..............
قالت ليه الدجاج

محشش اشترى لأمه عصفورين ! واحد يغرد والثاني ساااكت ! سألته أمه : ليش الثاني ساكت ؟! قالها هذا الملحن

هادو تلاتة د المراوات كيعيقوا على بعضياتهم.
وحدة قالت ليهم: أنا راجلي غادي يشري المعاريف كله
وهي تقول التانية: أنا راجلي غيشري التور إيفيل
وهي تنقز التالتة قالت ليهم: وشكون قال ليكم راجلي باغي يبيع؟

واحد الشفار دخل لواحد الدار... هي تشدو مولات الدار غلييييييظة و هي تجلس عليه و هي تعيط على ولدها: مصطفى !!!!!! عيط دابا لبوليس... و هو يقول ليه داك الشفار: سربي دغية أخاي مصطفى

كاليك هدا واحد الرجل
قال لولدوا سير جيب 20 فرنك ديال الزبدة
مشا الولد عند مول الحانوت كالوا كاليك بابا عطيه 20 فرنك تاع الزبدة
مول الحانوت قال للولد : سير عيط لباباك يجي يلحس الموس

قالك هذا واحد السيد زادو عندو جوج توام واحد منهم ماكايهدرش لموهيم داه عند واحد

الطبيب قالهم هذا خلق الله ماعندي مانديرلو مشا سول واحد السيد حكالو القصة ديالو

قالوغادي تمشي لذاك البحر اتحسب الموجة 4 اوتحطو تما اغادي يهدر السيد على
...
نيتو مشا بعد 10دقائق قالو ولدو بابا انت حمار وانت بغل السيد مشا يجري عند

مرتو قالها راه ولا يهدروقالي حمار وانت بغل لمرة ديالو قالتلو انت حمار بصح

راك ديت لي يهدر اخليت لي مايهدرش

هدا واحد البخيل فاق في صباح بكري ومشا يحل الحانوت ملي حلو لقاه مسروق وهو يسدو ورجع نعس وغطى راسو بالمانطا أو قال الله إخرج هاد الحلمة على خير