اجمل النكت 2012

من طرف Peace-maker الأحد فبراير 26, 2012 8:03 pm

قاليك هدا واحد كالس مع مراتو كايتفرجو في مسلسل مكسيكي

واحد الشوية جاءت لقطت رومنسية

هو يقول ليها: قلبي

قالت له:مال قلبك احبيبي

قال ليها:قلبي الجزيرة لنقلب والديك.

-هادو تلاتة ديال المعكازة تفارضو فدجاجة محمرة وشروها

منين جاو ياكلوها مالقاوش الخبز, نادوا دارو القرعة باش اشوفوا

شكون ليمشي اجيب الخبز, جات فواحد منهم وحيت مشا

تسناوه ساعة ماجاش

تسناوه ساعتين ماجاش

تسناوه تلت سوايع ماجاش

تلع ليهم الدم وقالو صافي عيق,ملي يجي يلكل هو الخبز,يلاه هما بداو ياكلو

وهو يخرج ليهوم من مورا الباب وقال ليهم: حصلتكم شفتي كون مشيت؟

واحد المعلم عرض على صحابو يجيو عندو للدار
ملي جلسو شوية هدروا، قال ليهم: شنو نسبقو أتاي ولا العشا؟
قالوا ليه: العشا !
هو يقول ليهم: توكلنا على الله نوضو تصليو

واحد الموضف بغى يعيط للعساس يجيب ليه أتاي
وهو يغلط ف النمرة وصدق معيط على المدير ديالو
قال ليه: جيب ليا واحد أتاي للمكتب ديالي وطلق راسك أ الحمار
قال ليه المدير: واش عرفتي مع من كتهدر؟
قال ليه الموضف: لا
قال ليه المدير: أنا هو المدير أ الحيوان
قال ليه الموضف: ونتا عرفتي مع من كتهدر؟
قال ليه المدير: لا
قال ليه الموضف: إيوا الحمد لله
وهو يقطع

واحد الصحفي مشى لسبيطار الحماق باش يدير لقاء مع الطبيب
الصحفي: كيفاش كتعرفو اللي مسطي من اللي بعقلو؟
الطبيب: كنديرو الاختبار ديال البينوار
الصحفي: واشنا هو هاد الاختبار؟
الطبيب: كنعمرو البينوار بالما وكنعطيو للمريض معيلقة، غراف، وسطل. وكنقولو ليه يخوي البينوار
الصحفي: وطبعا إيلا استعمل المعيلقة أولا الغراف كيكون هبيل، وإيلا استعمل السطل كيكون بعقلو
شاف فيه الطبيب وقال ليه: إيوا ف الحقيقة اللي بعقلو غادي يحل السيفون صافي... بغيتي الشرجم ديال بيتك يطل على الشانطي أولا على الجردة؟

هادا واحد مكلخ كان غادي وهي تبان ليه 200 درهم جديييييدة طايحة فالأرض
شاف حتى ما بان ليه حتى واحد
وهو يهز ال 200 درهم جديدة وحط بلاصتها 200 درهم قديمة و مشى هرب يجري

واحد الاستاذ قال لواحد التلميذ: صرف
Verbe "Dire" au présent de l'indicatif
الولد ماعرفش الجواب وبقى ساكت
قال ليه الاستاذ: أنا نعاونك في الاولى، و انت كمل
Je dis
الدري تفتحو عينيه من الفرحة و بدا
Vendredi
Samedi
Dimanche

هبيل سألوه : الزيتون فين كينوض؟
قال ليهم : كينوض في الكاشير

واحد المكلخ كان غادي ولقى 4000 ريال وهو يبدا كيفكر
غادي نعطي 1000 للوالد كايتسالها ليا
و1000 للوالدة كاتسالها ليا
و 2000 اللي كايسالني مول الحانوت
وهو يقول اش غادي يبقى ليا !!!
و الله لا هزيتها