احدث واجمل واروع النكت المغربية

من طرف **profost** الأحد أغسطس 11, 2013 8:58 pm

هذا واحد غادي إشري 10 دراهم تاع لحشيش بانت ليه سطافيط هو يلوح 10 دراهم

هادا واحد مكلخ سول صاحبو قال ليه: علاش الورق ديال الشجر كيسقط ف الخريف؟ رد عليه صاحبو قال ليه: حيت ما قرا والو ف الصيف

قالك هدا واحد مكانيسيان شرا نموسيا هو ينعس تحتها

واحد الكليان قال للسرباي: سمح ليا، ولكن راه صبعك كان مخشي ف هاد الزلافة ديال الحريرة اللي جبتي ليا.
قال ليه السرباي: الدنيا هانية، ولا عليك، ما كانتش سخونة

هادا طبيب ديال العينين جالس مع خطيبتو ف الجردة.
هز وردة وقال ليها: شايفة هاد الوردة؟
قالت ليه حشمانة: اه.
وهو يرجع إيديه شوية اللور، وقال ليها: ودابا؟

واحد المرا طلعات للطوبيس هازة ولدها الصغير
شاف الشيفور ف ولدها وقال ليها: هادا أخيب ولد شفتو ف حياتي
المرا طلعات للطوبيس غضبانة وبقى فيها الحال بزاف
جلسات حدا واحد الراجل وقالت ليه: هاداك الشيفور قلل من قيمتي
قال ليها الراجل: سيري ليه وطلبي منو يعتادر ليك، وأنا غادي نشد ليك القرد ديالك

واحد الدري مدة هادي ماشاف واحد صاحبو قال والله حتا نمشي نسول عليه
مشا لدار ديالهم دق دق خرجات مو... سولها قالت ليه اولدي من داك النهار سخرناه يجيب اللحم مارجاعش
قال ليها و شنو درتو؟؟ قالت ليه الدجاج
هادا واحد الراجل طلق مرتو،وقال ليه القاضي: غادي تبقى تعطيها النص ديال المانضة ناض السيد كيضحك. سولو القاضي: مالك؟ قال ليه: كانت كتديها كاملة